Головкин мен Альварестің сыйақылары қанша?

16 қыркүйектегі Геннадий Головкин мен Сауль «Канело» Альварестің жекпе-жектен алатын қаржылай сыйақысы белгілі болды, деп хабарлайды британдық The Telegraph басылымы.

Басылымның мәліметінше, әр боксшы жекпе-жек үшін 15 миллион доллардан, сондай-ақ, ақылы трансляция сатылымдарынан өз үлестерін алады. Сонымен қатар, «Канело» андердог мәртебесіне қарамастан, PPV сатылымдарынан көлемді үлесін алмақ.  Golden Boy Promotions басшысының болжауы бойынша, PPV сатылымдары шамамен 1,5 миллион жазылушыларды қамтиды, бұл шамамен 100 миллион долларға тең. Аталған қаржының 60%-ы боксшыларға тең бөлініп беріледі.