Күрестен кадеттер арасындағы әлем біріншілігі аяқталды

Грекияның Афина қаласында күрестен кадеттер арасындағы әлем біріншілігі аяқталды.

4-10 қыркүйек күндері арасында өткен әлемдік додада қазақстандық палуандар төрт медальді қанжығалады.

Еркін күрестен 46 келіде белдескен Адлан Асқаров пен 50 келде өнер көрсеткен Акбар Курбанов үздік үштікті түйіндеді. Ал грек-рим күресінен Ерасыл Мамырбеков (42 кг) қола жүлдені ұтып алса, 54 келіде Нұрсұлтан Базарбаев ақтық сында ресейлік палуан Герман Доевқа есе жіберіп, күмісті қанағат тұтты.