Пакьяо Хорнмен Филиппинде жұдырықтасқысы келеді
Сегіз түрлі салмақта бұрынғы әлем чемпионы Мэнни Пакьяо Филиппинде австралиялық Джефф Хорнға қарсы қарымта жекпе-жек өткізгісі келетінін мәлімдеді.
Бұл туралы филиппиндік боксшының өзі Вoxing247 сайтына берген сұхбатында айтты:
«Қарымта жекпе-жек Аустралияда өтпейді. Кездесуді Филиппинде өткізу үшін қолымыздан келгеннің барлығын жасаймын. Бұл жекпе-жек туризм жағынан біздің елге үлкен жақсы болар еді. Бізді қолдайтын достарымыз көп, оның ішінде туризмде де. Оның үстіне президенттің өзі бізді қолдап отыр.
Мансабымдағы соңғы жекпе-жек Филиппинде өткеннін қалаймын», — дейді Пакьяо.
Еске салайық, Мэнни Пакьяо мен Джефф Хорн арасындағы бірінші кездесу 2 шілде күні өткен еді. Ол кездесуде 12 раундтың қорытындысы бойынша Хорн төрешілердің шешімі бойынша жеңіске жетіп, WBO белбеуін жеңіп алған болатын.