Қазақстанның ұлттық құрамасы Гамбургте өткен әлем чемпионатынан елге оралды.
Бас бапкер Мырзағали Айтжанов бастаған қазақстандық делегация мінген ұшақ бүгін таңда Астанаға келіп қонды. Отандастарымыз әлем біріншілігінде ел қоржынына алты медаль салған болатын. Байрақты бәсекенің жеңімпаздары мен жүлдегерлерін әуежайда жанкүйерлер мен журналистер қарсы алды.