Головкин екінші рет әке атанады

Орта салмақта WBC, WBA (Super), IBF және IBO тұжырымы бойынша әлем чемпионы Генадий Головкин (37-0, 33 КО) екінші рет әке атанады. Бұл туралы ол француздың L'Equipe газетіне берген сұхбатында айтты.

«АҚШ-та жанымда бауырым Максим бар, ол командадағы жаттықтырушылардың бірі. Содан соң америкалық мектепте оқитын ұлым мен жарым бар. Әйелім қазір жүкті, біз екінші баламызды күтіп жүрміз. Ол осында АҚШ-та дүние есігін ащады», - деді қазақстандық боксшы.

Айта кетейік, биыл Геннадий мен Алинаның отан құрғанына он жыл болды. Олардың Вадим есімді ұлдары бар. Сегіз жастағы ол хоккеймен айналысады.