Головкин Мейвезер - МакГрегор жекпе-жегін көрмегенін айтты

<span>Орта салмақта WBA (Super), IBO, WBC және IBF тұжырымдары бойынша әлем чемпионы қазақстандық боксшы Геннадий Головкин (37-0, 33 КО) Мейвезер - МакГрегор жекпе-жегін көрмегенін айтты, - деп хабарлайды Тengrinews.kz. </span>

<span>О</span><span>лардың жекпе-жегі 27 тамызда таңғы уақытта Лас-Вегастың T-Mobile аренасында өтті. Мейвезер оныншы раундта техникалық нокаутпен жеңіске жетті. Аренаның 20 мың адамға арналғанына қарамастан, аншлаг бола қоймады, шамамен 15 мыңға жетер-жетпес адам келді. Алайда ұйымдастырушылар осы кездесуден 600 миллион доллар табыс тапқан.  </span>

<span>"Мейвезер - МакГрегор туралы не ойлаймын? Шынымды айтсам ештеңе ойламаймын. Мен HBO арнасын тәулігіне 24 сағат тамашалаймын (жекпе-жек Showtime арқылы көрсетілді). Ол үшін кешірім сұраймын. Мүмкін келесі апта сол жекпе-жекті тамашалармын", - деді Головкин Fight Hub TV арнасына берген сұхбатында.  </span>

<span>Осыған дейін қазақстандық боксшы Конор МакГрегормен Флойд Мейвезерді сынға алған болатын. Головкин олардың кездесуі комедиялық шоу екенін, яғни мұның нағыз спорт еместігін айтқан болатын.  </span>

<span>Айта кетейік, Головкин - "Канело" жекпе-жегі 16 қыркүйек күні Лас-Вегастағы (АҚШ, Невада) T-Mobile Arena аренасында өтеді. Сауль Канело Альвареске қарсы жекпе-жекте Геннадий Головкин орта салмақта WBC, WBA (Super), IBF және IBO чемпиондық атақтарын қорғайды. Мексикалық The Ring журналының белбеуін бәске тігеді. </span>