Деревянченко Головкиннің міндетті қарсыласы атанды

Майамиде IBF ұйымының тұжырымы бойынша украиналық Сергей Деревянченко мен багамалық Турено Джонсон жұдырықтасты.

«Астана арланстың» бұрынғы боксшысы Деревянченко кездесу бойы басымдық танытып, 12-раундтың басында Джонсонды нокаутқа жіберді.

Осылайша, Сергей кәсіпқой бокстағы 11-ші (10-ы нокаутпен) жеңісіне қол жеткізді. Туреано болса, екінші рет ұтылып отыр.

Осы жеңістен  соң Деревянченко орта салмақта IBF чемпионы титулына міндетті үміткер атанды, бұл ұйымның белбеуі қазақстандық боксшы Геннадий Головкинде.