«Қазақ жауынгері» титулды жекпе-жекте нокаутпен жеңді

Қытайлық Цзинань қаласында кәсіпқой бокс кеші болған, мұнда «Қазақ жауынгері» Елхат Ниғметоллы титулды кездесуін өткізді.

Аса жеңіл салмақта WBO тұжырымы бойынша Азия чемпионы белбеуі үшін жекпе-жекте Елхат таиландтық Кайонсак Потангті екінші раундта нокаутқа түсірді.

Айта кетейік, «Қазақ жауынгері» лақап атымен өнер көрсететін Елхат Ниғметоллы Қанат Исламның жерлесі саналады. Екеуі де Синьцзян провинциясы, Іле-Қазақ автономды округіндегі Алтайда дүниеге келген.