Шейн Мозли мансабын аяқтады

Үш салмақ дәрежесінде әлемнің бұрынғы чемпионы Шейн Мозли мансабын аяқтады.

45 жастағы Мозлиден бөлек, осы айда Владимир Кличко, Хуан Мануэль Маркес және Тимоти Брэдли сынды белді боксшылар мансаптарын аяқтаған болатын.

Кәсіпқой рингте Мозли 60 жекпе-жек өткізіп, оның 49-ын жеңіспен аяқтады (41-і нокаутпен). Он кездесуде жеңіліп қалса, бір жекпе-жекте қарсыласымен тең түсті.

Рингте ол  Оскар де ла Хойя, Вернон Форрест, кіші Флойд Мейвезер, Риккардо Майорга сынды атақты боксшылармен қолғап түйістірді.