Головкин Канеломен жекпе-жекте өзінің барлық титулын бәске қояды

Промоутер Том Леффлердің айтуынша, Геннадий Головкин мексикалық Сауль Альвареспен кездесуде бәске өзінің барлық титулын қояды.

«Головкин өзінің барлық титулын қорғап қалмақ – бұлар WBC, WBA, IBF және IBO тұжырымдары бойынша титулдар. Сондай-ақ, ол Канелоға қарсы рингке шыққан соң өз коллекциясына The Ring журналының титулын қосуды жоспарлап отыр. Жанкүйерлерге бұл кездесу ұнайтыны сөзсіз», - деді Леффлер.

Естеріңізге сала кетсек, Канело бұған дейін жекпе-жекте тек WBA және IBF белбеулеріне ғана таласатынын, ал өзі бәске  «The Ring» журналының титулын қоятынын айтқан болатын.

Ал жекпе-жектің өзі 16 қыркүйекте Лас-Вегаста өтеді.