Оскар Де Ла Хойя: Кездесу нокаутпен аяқталатынына сенімдімін

Golden Boy промоутерлік компаниясының басшысы Оскар Де Ла Хойя Сауль Альварес пен Геннадий Головкин жекпе-жегі несімен қызық болатынын айтты.

«Кездесу нокаутпен аяқталатынына сенімдімін. Екеуінің де жекпе-жектер тізімі ғажайып. Олар орта салмақта әлемдегі ең үздік боксшылар. Тарихтың өзі бұл салмақтың тамаша категория екенін көрсетті, Шугар Рэйден Дюронға дейін. Бұл салмақ ешкімнің көңілін жықпаған. Головкин мен Альварес өз мансаптарының шыңында тұр», - деді Де Ла Хойя MensJournal.com-ға берген сұхбатында.