Теннисші Уильямстің үстінен сотқа арыз жазылды

Америкалық Винус Уильямстің қатысуымен болған жол апатынан соң көз жұмған Джером Барсонның отбасы теннисшіні сотқа берді. <br />Уильямстің адвокаты бұған дейін бұл апатты жазатайым оқиға деген болатын. Алайда Барсонның әйелі теннисші жол ережесін бұзды деген пікірде. <br />Естеріңізге сала кетсек, 9 маусымда Уильямстің көлігі бір автомобильмен соқтығысып қалған болатын. Джером Барсон ауыр халде ауруханаға жеткізілген, бірақ екі аптадан соң көз жұмды. Ал әйелі бірнеше жерін сындырып алды. Зерттеу нәтижесі бойынша теннисші кінәлі деп танылған.