Холифилд Дычконы жаттықтырады

Әлем боксының аңызы Эвандер Холифилд қазақстандық Иван Дычконы жаттықтырады. Бұл туралы америкалық The Heavyweight factory компаниясының Instagram-дағы ресми  парақшасы жазды.

<br />

Естеріңізге сала кетсек, өткен айдың соңында 26 жастағы боксшымыз The Heavyweight factory-мен келісім-шартқа отырған болатын. Оның негізгі бапкері Ковалев пен Стивенсті жаттықтырған Дерик Сантос-Россарио болады.

Айта кетейік, Эвандер Холифилд өз мансабында бірнеше салмақ дәрежесінде WBA, WBC, IBF және WBF чемпионы атанды. Сондай-ақ, ол кәсіпқой бокста тарихында ауыр салмақта төрт дүркін әлем чемпионы атанған жалғыз адам. Одан бөлек, Холифилдтен басқа ешкім екі түрлі салмақ дәрежесінде әлемнің абсолютті чемпионы болып көрген жоқ.