Қазақстанның тумасы кезекті жеңісіне қол жеткізді

Нью-Йоркте тұратын шымкенттік Димаш Ниязов кәсіпқой бокстағы кезекті жекпе-жегін өткізді.

Детройттағы бокс кеші аясында Ниязов доминикандық Рамон Гевараны бесінші раундта техникалық нокаутпен жеңді. Кездесу бірінші жартылай орта салмақта өтті.

Осылайша, Ниязов 11 жеңісіне (4 нокаут) қол жеткізді. Бұдан бөлек 3 жекпе-жекте тең түскен. Әзірше, ол жеңілген жоқ.