Халеп пен Плишкова «Ролан Гарростың» жартылай финалына жолдама алды

Теннистен Франция ашық чемпионатының барлық жартылай финалистері белгілі болды.

Румыниялық Симона Халеп тартысты кездесуде украиналық Элина Свитолинадан басым түсті – 3:6, 7:6, 6:0. Ал франциялық Каролин Гарсия чехиялық Каролина Плишковадан айласын асыра алмады – 6:7, 4:6.

Осылайша, «Ролан Гарростың» жартылай финалында Халеп Плишковамен күш сынасса, Остапенко Бачинскимен кездеседі.