Жанқош Тұраров 21-ші жеңісіне қол жеткізді

Бока-Работеде (АҚШ, Флорида штаты) өткен бокс кешінде қазақстандық Жанқош Тұраров кезекті жекпе-жегін өткізді.

Жанқоштың қарсыласы мексикалық Густаво Гарибай болған. Кездесу 8 раундқа жоспарланды.

Боксшылар жекпе-жек басталысымен бірден алға ұмтылған жоқ. Алғашқы раундтар бір-бірін ьарлаумен өтті. Үшінші раундта отандасымыз жекпе-жекті өз қолына ала бастады. Нәтижесінде Гарибай нокдаунға түсіп қалды. Тұрар бірден соққыларды жаудырған. Рингтегі бас қазы жекпе-жекті үшінші раундтың аяғында тоқтатып тастады.  

Бұл Жанқош Тұраровтың кәсіпқой бокстағы 21-ші жеңісі болатын. 15 жекпе-жекті нокаутпен аяқтады. Отандасымыз әлі жеңілген жоқ.