Қазақстандық боксшылардың менеджері ақша жымқырды деп айыпталуда

СВС News телекорпорациясының зерттеуі бойынша, ресейлік криминал тобының ақша жымқыру ісіне канадалық бокс менеджері Анна Рева да байланысты болып шықты.

Қаржылық қылмыста басты күдікті – 49 жастағы кәсіпкер Дмитрий Клюев. БАҚ өкілдері оны Ресейдің бюджетіненақша жымқырды деп айыптап жатыр.

Бұл іске қатысты тағы бір адамның есімі аталды. Бұл – қазақстандық боксшылар Батыр Жүкембаев және Абылайхан Құсайыновпен жұмыс істейтін Анна Рева. Аннадан бөлек, оның анасы Клара да осы іске байланысты екен. Клара Қазақстанда тұрып жатқанда Монреальдан 410 мың долларға үй сатып алған.