Сойлыбаев ТОП-25 боксшы тізіміне енді

Бүкіләлемдік бокс қауымдастығы (WBC) жаңартылған рейтингіcін жариялады. Қазақстандық былғары қолғап шебері Бекман Сойлыбаев  (11-0, 4KO) бұл тізімде 58,9 келі (130 фунтқа дейін) салмақта ТОП-25 боксшының құрамына кірді. 

30 сәуірдегі соңғы жекпе-жегінде отандасымыз Мексикада Самуэль Гонсалесті жеңіп, WBC International белбеуіне ие болды. Жаңартылған рейтингте Бекман 25-ші орында тұр. Сойлыбаевтің ендігі қарсыласы WBC International Silve тұжырымының иегері Горацио Кабрал (18-1-0, 8КО) рейтингідегі орнын жақсартып алды. Аргентиналық боксшы 48-ші орыннан 24-ші орынға көтерілді. Қос боксшының арасындағы жекпе-жек қыркүйек айында өтеді деп жоспарланып отыр.

Айта кетейік, Бекман кәсіпқой бокста 11  кездесу өткізіп, барлығында жеңіске жетті.