Фрэнки Гэвин: Джейкобс Канелоны ұтып, GGG Чавесті нокаутқа түсірер еді

Британиялық боксшы Фрэнки Гэвин қазақстандық Геннадий Головкин мен мексикалық Сауль Альварес жекпе-жегі жайлы пікірін айтты.

«Көбі Канело Головкинді жеңеді деп айтады, себебі GGG соңғы жекпе-жегінде Джейкобстан ұтылып қала жаздады. Меніңше, Джейкобс Канелоны жеңіп кетер еді. Ал Головкин Чавесті нокаутқа түсіре алады», - деді Гэвин твиттерде.

Естеріңізге сала кетсек, Геннадий Головкин америкалық Дэниэл Джейкобсты, ал Сауль Альварес отандасы кіші Хулио Сезар Чавесті төрешілер шешімімен жеңген болатын.

Айта кетейік, Альварес пен Головкин кездесуі биыл 16 қыркүйекте өтеді.