Зарина Дияс WTA рейтингісінде бірден 36 сатыға көтерілді

Әйелдер теннисі қауымдастығы (WTA) өз рейтингісін жаңартты.

Аталмыш рейтингіде қазақстандық Зарина Дияс 151-орынға жоғарылады. Бұған дейін ол 187-орында тұрған еді.

Ал Қазақстанның бірінші ракеткасы Юлия Путинцева болса, бір саты төмен сырғып, 32-орынға жайғасты.

Рейтингінің үздік үштігі өзгерген жоқ. Көш басында америкалық Серена Уильямс тұр. Ал екінші және үшінші орындарда – неміс Анжелик Кербер мен чехиялық Каролина Плишкова.