Шәріпова келесі жекпе-жегін қашан өткізетіні белгілі

Кәсіпқой боксшы қыз Фируза Шәріпова келесі жекпе-жегін 27 мамырда өткізеді.

«Бүгін менеджерім Сергей Завилейский келесі жекпе-жекті 27 мамырда Мәскеуде өткізетінімізді айтты. Негізі біз екі күнді қарастырғанбыз: 20 мамыр Арменияда немесе 27 мамыр Мәскеуде. Екіншісін таңдадық. Енді сол күнге дайындаламын», - деді Шәріпова AllFight.Ru порталына берген сұхбатында.

Айта кетейік, жекпе-жектің рейтингілік немесе титулды болары белгісіз. Әзірше, қарсыласының есімі де айтылған жоқ.