Фрэнк Уоррен: Сондерс Хурцидземен жұдырықтасуға міндетті

Британиялық боксшы Билли Джо Сондерстің промоутері Фрэнк Уорреннің айтуынша, оның шәкірті грузиялық былғары қолғап шебері Автандил Хурцидземен жұдырықтасады. 

«Хурцидзе - мықты боксшы. Ол өте жиі нокаутпен жеңеді. Сондерс онымен жұдырықтасуға міндетті. Біз бұл жекпе-жекті шілденің 8-і, Лондонда ұйымдастыруға тырысамыз», - деді Уоррен BoxingScene сайтына. 

Естеріңізге сала кетсек, Автандил Хурцидзе бүгін британиялық Томми Лэнгфордты нокаутпен жеңіп, WBO тұжырымы бойынша уақытша әлем чемпионы атанды.