Сондерстің промоутері: Биллидің қарсыласын келесі аптада айтамыз

Британиялық боксшы Билли Джо Сондерстің промоутері Фрэнк Уоррен қазақстандық Геннадий Головкинмен келісім-шартқа отырмағандарына өкінетінін айтты.

«Келесі аптада Биллидің болашақ қарсыласы туралы хабар береміз. Оның жекпе-жегі шілдеде өтеді, бірақ, өкінішке қарай, Головкинмен емес», - деді Уоррен.

Бұған дейінгі ақпараттарға сүйенсек, Сондерс Томми Лэнгфорд (18-0, 6 КО) - Автандил Хурцидзе (32-2-2, 21 КО) жекпе-жегінің жеңімпазымен кездесуі мүмкін.