Сербия Дэвис кубогының жартылай финалына шықты

Сербия құрамасы теннистен Испанияны жеңіп, Дэвис кубогының жартылай финалына шықты.

Қос құрама теннисшілері арасындағы үшінші ойында Виктор Троицки мен Ненад Зимонич жұбы Пабло Карреньо-Буста мен Марк Лопес жұбын жеңді. Кездесудегі есеп 4:6, 7:6, 6:0, 4:6, 6:2.

Жартылай финалда Сербия франуздармен кездеседі. Кездесулер 15-17-ші қыркүйекке жоспарланған.