Батыр Жүкембаев - IBO тұжырымы бойынша жаңа әлем чемпионы

Қазақстандық кәсіпқой боксшы Батыр Жүкембаев Канаданың Монреаль қаласында чемпиондық белбеу үшін жекпе-жек өткізді. 

Отандасымыз IBO International титулы үшін мексикалық былғары қолғап шебері Косме Риверамен кездесіп, қарсыласын техникалық нокаутпен жеңді. 

Жекпе-жек жетінші раундта аяқталды. Бұған дейін Батыр қарсыласын екі рет нокдаунға түсіріп үлгерген. Жетінші кезеңде мексикалық боксшы Жүкембаевтың соққыларына шыдай алмай, бас төреші кездесуді тоқтатты. 

Осылайша, Батыр кәсіпқой бокстағы 9-шы жеңісіне жетіп, IBO тұжырымы бойынша жаңа әлем чемпионы атанды.