Пакьяо 2 шілдеде жұдырықтасады

Филиппиндік Мэнни Пакьяо екінші жартылай орта салмақта WBO чемпионы атағын 2 шілдеде аустралиялық Джефф Хорнға қарсы жекпе-жекте қорғайды. Бұл туралы Пакьоның кеңесшісі Майкл Конц айтты.

«Бүгін Хорнмен жекпе-жек жөнінде келісім-шартқа қол қойдық», - деді Конц AFP-ге берген сұхбатында.

Басында бұл кездесу сәуірде өтуі тиіс еді, алайда Пакьяоның командасы Әмір Ханмен келіссөз жүргізуді жөн көрген, әйтсе де, одан еш нәтиже болған жоқ.