Санчес: Головкин мен Сондерстің командалары келісімге жақын

Геннадий Головкиннің бас бапкері Абель Санчестің айтуынша, GGG-дің командасы жақын арада британиялық Билли Джо Сондерстің өкілдерімен келісімге келеді.

«Головкин мен Сондерстің жекпе-жегін көргім келеді. Себебі Геннадийдің мақсаты – негізгі төрт титулдың басын біріктіру. Әлеуметтік желілерде Том Леффлер мен Фрэнк Уорреннен естігенім бойынша, олар келісімге келуге жақын. Бәске тігілген ақшаның арқасында жекпе-жекті жүзеге асырып жатыр деп ойлаймын», - деді Санчес.