«Қазақстан Барысы» жарысының іріктеу кезеңі басталады

Қазақ күресінен «Қазақстан Барысы» турнирінің биылғы іріктеу сындары 1 сәуірден басталады.

Бұл туралы бүгін Астана қаласында өтіп жатқан «Қазақстан Барысы» қазақ күресін дамыту қорының баспасөз маслихатында белгілі болды. Дәстүрлі жарыс Астана күніне орай, 2 шілдеге жоспарланған. 1 сәуір күні ауылдық жерлерде басталатын іріктеу жарыстары кейін, аудандық, облыстық деңгейде жалғасады. Кезекті VII турнирдің жеңімпаздары 2 шілде күні елордада анықталады.

Айта кетейік, осыған дейін  «Қазақстан Барысы» атағын 2011 жылы - Ұлан Рысқұл,  2012, 2015 және 2016 жылдары - Бейбіт Ыстыбаев, 2013 жылы - Айбек Нұғымаров, 2014 жылы - Мұхит Тұрсынов жеңіп алған болатын

<br />