Әкімдік Ниязымбетовке 32 миллион теңгеге пәтер алып бермек

<span>2016 жылы Рио де Жанейрода өткен Олимпиада ойындарының күміс жүлдегері, маңғыстаулық боксшы Әділбек Ниязымбетовке құны 32 млн теңге тұратын пәтер сатып алып берілмек, деп хабарлайды ҚазАқпарат. </span>

<span>«ҚР 2014 жылдың 3 шілдесіндегі «Дене шынықтыру мен спорт туралы» № 228 заңының 8 бабы бойынша, қалалық, облыстық маңыздағы жергілікті атқарушы орган Олимпиада, Паролимпиада және Сурдолимпиада ойындарының жеңімпаздары мен жүлдегерлерін баспанамен қамтамасыз етеді. Осы заңның 47 бабында аталған спорттық додалардың жүлдегерлері мен жеңімпаздарының баспанамен қамтамасыз ету ережелері белгіленген. Онда пәтердің шаршы метрі туралы талап жоқ, алайда, Олимпиаданың күміс жүлдегеріне 2 бөлмелі пәтер беріледі»,- деді Маңғыстау облыстық дене шынықтыру және спорт басқармасындағы дереккөз. <br /></span>