Шведова сегіз матчқа созылған жеңіліс сериясын тоқтатты

Қазақстандық теннисші Ярослава Шведова Майамидегі турнирде серб Елена Янковичтен басым түсті.

Үш сетке созылған матч 4:6, 6:4, 7:6 есебімен аяқталды. Теннисшілер кортта 2 сағат, 29 минут өнер көрсетті.

Шведова бұған дейін қатарынан сегіз кездесуде жеңіліп қалған болатын. Енді осы турнирдің екінші айналымында Ярослава әлемнің 17-ші ракеткасы ресейлік Анастасия Павлюченковамен күш сынасады.