Пагмайр: Головкин - Джейкобс жекпе-жегінің PPV-сатылымы 150 мыңнан асты

Los Angeles Time тілшсі Лэнс Пагмайр берген ақпарат бойынша, Головкин – Джейкобс кездесуінің  ақылы трансляция саны (PPV) 150 мыңнан асқан.

«Менің сенімді ақпарат көзім PPV-сатылымның алдын-ала есептеуі бойынша, 130-дан 150 мыңға дейін жетеді. Головкиннің командасындағы адамдардың ойынша, қорытынды сатылым 150 мыңнан асып түспек. НВО әзірге мәлімдеме жасамады.

Мэдисон Сквер-Гарденде  3,7 миллион долларға билет сатылғанын білеміз. Бұл Лемьеге қарсы өткізген жекпе-жекте сатылған билеттерден асып түсті», – деп жазды Пагмайр.

Естеріңізге сала кетейін, Головкиннің Лемьеге қарсы жекпе-жегі 150 мың PPV жинаса, Келл Брукпен өткізген кездесуі 500 мың сатылымнан асып түсті.