Макгрегор Мейвезермен өткізетін жекпе-жектің уақытын айтты

Жеңіл салмақтағы UFC чемпионы Конор Макгрегор боксшы кіші Флойд Мейвезерге қарсы жекпе-жектің күзде өтетінін мәлімдеді. 

«Қыркүйек айында ұйымдастыра аламыз деп сенемін. Біз келісімге жақынбыз. Мен Лас-Вегасқа ұшып келіп, Флойдпен сөйлескім келді. Бірақ, ол менен тығылып жүрді. Ол менімен көріскісі келмейді. Ешкім менен не күтерін білмейді. Мен өзім де білмеймін. Жұдырықтасуға дайынмын. Мен рингке шыққанда ел таңданысын жасыра алмайды. Маған сеніңіздер»<span>, - деді Макгрегор.</span>