Головкин Хопкинстің рекордына жақындай түсті

Қазақстандық боксшы Геннадий Головкин америкалық Дэниэл Джейкобсты жеңіп, Бернард Хопкинстің рекордына жақындай түсті.

Джейкобсқа қарсы кездесуде GGG өз титулын 18-ші рет қорғап қалған болатын. Ал Хопкинс 1995-2005 жылдар арасында орта салмақтағы белбеулерін 20 жекпе-жек бойы қорғаған.

Бұған дейінгі сұхбаттарының бірінде Хопкинс Головкин сол рекордты бұзған сәтінде аренада болып, оны жеке құттықтағысы келетінін айтқан еді.