Лемье Головкинді жекпе-жекке шақырды

Канадалық боксшы Давид Лемье америкалық Кертис Стивенсті нокаутқа жіберген соң, болашақ қарсыластары туралы айтып өтті.

«Тамаша қалпымдамын, үлкен жұмыс атқардым. Енді үздіктермен жұдырықтасуға дайынмын – Геннадий Головкин, Сауль Альварес және Билли Джо Сондерспен», - деді Лемье жекпе-жектен кейін.

Айта кетейік, Головкин мен Лемье 2015 жылы 17 қазанда жұдырықтасқан болатын. «Мэдисон Сквер Гарденде» өткен кездесуде қазақстандық боксшы қарсыласын 8-раундта техникалық нокаутпен жеңген болатын.