Джейкобс: GGG-мен кездесуге өмір бойы дайындалдым

Америкалық боксшы Дэниэл Джейкобс HBO арнасындағы «Golovkin — Jacobs 24/7» бағдарламасында Геннадий Головкинге қарсы жекпе-жекке дайындығы туралы айтты.

«Маған осы атмосфера ұнайды. Залда бәрі де маған көмектесіп жатыр. Головкиннен қорықпаймын. Осы жекпе-жек үшін өмір бойы жаттығу жасадым», - деді Джейкобс.

Айта кетейік, Головкин - Джейкобс кездесуі 18 наурызда Нью-Йорк қаласындағы Madison Square Garden аренасында өтеді. Бұл бокс кешін «Қазақстан» мен KazSport телеарналары көрсетеді. Головкиннің жекпе-жегі наурыздың 19-да Астана уақытымен сағат 08:00-де басталады.