Раков Еуропа кубогының күміс жүлдесін иеленді

Польшада ерлер арасында дзюдодан Еуропаның ашық кубогы мәресіне жетті.

100 келіге дейін салмақта сынға түскен Максим Раков күміс жүлдеге қол жеткізді. Ол финалға шығар жолда украиналық Данил Хитсолу, австриялық Максимилян Хежендерді жеңді. Кейін белорусьтік Микита Свирида мен татами қожайыны Жакуб Уотсикадан айласын асырды.

Ал финалда Раков Фара Эронмен күш сынасып, «иппон» ұпайымен жеңіліп қалды.