Эюбовтың келесі қарсыласы белгілі болды

Ақтөбелік нокаутер Бақтияр Эюбов 10 наурызда Детройтта (Мичиган штаты, АҚШ) «MGM Grand Detroit» аренасында кәсіпқой бокстағы кезекті жекпе-жегін өткізеді. Қазақстандықтың қарсыласы жергілікті боксшы Гилберт Венегас болмақ.

Айта кетейік, бұл кездесуді америкалық «Showtime» телеарнасы тікелей эфирде көрсетеді.

30 жастағы Эюбов кәсіпқой рингте 11 кездесу өткізіп, оның бәрін жеңіспен аяқтаған. 10 жекпе-жек мерзімінен бұрын тәмамдалды.