Кіші Чавес: «Канело Головкиннен қашқақтап жүр»

Мексикалық боксшы кіші Хулио Сесар Чавес отандасы Сауль Альварес пен қазақстандық Геннадий Головкин арасында өтуі мүмкін жекпе-жек жайлы пікірін айтты.

Айта кетейік, мамырда Чавес пен Альварес рингте өзара кім мықтыны анықтайды.

«Канело Головкиннен қашқақтап жүр деп санайтын жанкүйерлермен келісемін. Расымен де жұдырықтасқысы келсе, келісім-шартқа қол қоятын еді. Бірақ келісім-шарт әлі жоқ», - деді кіші Чавес Villainfy Media-ға берген сұхбатында.

Айта кетейік, Альварес Чавесті, ал Головкин Дэниэл Джейкобсты жеңсе, боксшылар биыл қыркүйекте кездеседі деп күтілуде.