Мэнни Пакьяо мен Әмір Ханның жекпе-жегі қайда өтеді?

Филиппиндік боксшы Мэнни Пакьяо мен британиялық былғары қолғап шебері Әмір Хан арасындағы жекпе-жек қайда өтетіні белгілі болды. 

<br /><span>«Иә, жекпе-жек 28 ақпан күні БАӘ-де өтеді», - дейді Пакьяоның көмекшісі Майкл Конц BoxingScene басылымына берген сұхбатында. </span><br /><br /><span>38 жастағы Пакьяо өзінің кәсіпқой бокстағы карьерасын 1995 жылы бастаған. Пакьяо 67 кездесу өткізген. Филиппиндік 59 кездесуде (38 нокаут) жеңіске жетіп, алты мәрте жеңілсе, екі рет қарсыласымен тең түскен. </span>

<br /><span>30 жастағы Хан болса карьерасын 2005 жылы бастаған. Оған дейін әуесқой бокста жүріп, Афинада өткен Олимпиада ойындарының күміс жүлдесін жеңген. Кәсіпқой бокста өткізген 35 кездесуінің 31-інде (19 нокаут) жеңіске жетті. </span>