Теннисші қыздарымыз канадалықтармен күш сынасады

Бүгін Лондонда Федерация кубогының ІІ плей-офф кезеңі бойынша жеребе тасталды. Нәтижесінде, теннистен Қазақстан ұлттық әйелдер құрамасы Канадамен кездеседі. Матч Канадада 22-23 сәуірде өтеді. Бұл туралы ҚазАқпарат жазды.

Канада - Қазақстан кездесуінің жеңімпазы 2018 жылы ІІ Әлемдік топта, ал жеңілген команда аймақтың топтарда бақ сынайды. Жеңімпаз бес матчта анықталады.

Федерация кубогының ІІ Әлемдік тобының плей-офф жеребесі:

Қытайлық Тайпей - Италия.

Румыния - Ұлыбритания.

Сербия - Австралия.

Канада - Қазақстан.

Федерация кубогының Әлемдік тобының плей-офф жеребесі:

Франция - Испания.

Ресей - Бельгия.

Германия - Украина.

Словакия - Голландия.