Қазақстандық шорт-трекшілер – үздіктер қатарында

Қазақстандық Абзал Әжғалиев пен Нұрберген Жұмағазиев шорт-тректен Әлем кубогының қорытынды есебінде үздік үштікке енді.

Әжғалиев 34 433 ұпай еншілеп, 500 метр қашықтықта екінші орынға табан тіреді. Ол қытайлық У Дацзинді (38 001) алға жіберіп алды. Қазақстандық тағы бір шорт-трекші Денис Никиша болса, төртінші орында тұр – 23 420.

Ал Жұмағазиев 1000 метр қашықтықтың қорытынды есебінде үздік үштікті түйіндеді – 27 486 ұпай. Ол венгр Шаоанг Лю (28 669) мен француз Тибо Фоконнеден (27 517) қалып қойды.