Леффлер: «Геннадий Альварес жайлы сұрақтардан шаршады»

Қазақстандық Геннадий Головкиннің промоутері Том Леффлер GGG мен Сауль «Канело» Альварес арасындағы болуы мүмкін жекпе-жек жайлы пікір білдірді.

«Геннадий Канело туралы сұрақтардан шаршаған шығар. Қазір ол Джейкобспен болатын жекпе-жек жайлы ғана ойлайды. Мен Альвареспен болуы мүмкін жекпе-жек жайлы айтқым келеді. Себебі, бұл керемет кездесу болар еді. Қазір екеуі де дайындық жүргізуде. Олар өз қарсыластарын ұтса, бір-бірімен шаршы алаңға шығуға бір табан жақындайды деп ойлаймын», — деп Леффлердің сөзін Fino Boxing жеткізді.