Лиам Смит: «Джейкобс Головкин үшін ең үлкен сынақ болмайды»

Британ боксшысы Лиам Смиттің пікірінше, Дэниэл Джейкобс Геннадий Головкинге қауіп төндіре алмайды.

«Жоқ, Джейкобс Головкин үшін ең үлкен сынақ болады деп ойламаймын. Меніңше, GGG ешкіммен жұдырықтасқан жоқ деп айтатындар қателеседі. Себебі ол мүмкін болған қарсыластың бәрімен кездесу өткізіп жүр. Көбі Джейкобстың Куиллинді жеңгенін айтады. Бірақ, Пирогқа қарсы кездесуде не болғанын естеріңізге түсіріңіздерші. Головкин оны 5-6 раундқа таман жеңеді деп ойлаймын», - деді Смит Fighthype.com порталына берген сұхбатында.