Фредди Роуч кіші Чавесті Канелоға қарсы жекпе-жекке дайындаудан бас тартты

Америкалық белгілі бапкер Фредди Роуч мексикалық кіші Хулио Сезар Чавесті Сауль Альвареспен өтетін жекпе-жекке дайындаудан бас тартты. Бұл туралы Тengrinews.kz порталы хабарлады. 

«Мәселе менің бос уақытымның болмауында. Қолым бос емес. Чавестің командасы маған ұсыныс жасады. Олар менен жекпе-жекке екі апта қалғанда жаттықтыруымды сұрады. Бірақ, меніңше, екі апта жеткіліксіз болады»,  - деді бапкер.

Бапкер Фредди Роучтің айтуынша, Альварес күннен күнге күш жинап жатыр. «Чавестің басты артықшылығы – оның күш-қуатында. Ол үнемі қыспаққа алу керек. Себебі, Чавес Альвареске ұруға жол берсе, ол «Канелоға» керісінше күш береді», - деді ол.

Еске сала кетейік, Альварес - Чавес жекпе-жегі 6 мамырда өтеді.