Қазақстан құрамасының жаңа капитаны таңдалды

Мырзағали Айтижанов бастаған Қазақстан құрамасының бапкерлер штабы капитандық атақты Олимпиада ойындарының екі мәрте күміс жүлдегері Әділбек Ниязымбетовке беруді жөн санады, деп хабарлайды kfb.kz.

Осыған дейін құрама капитаны Данияр Елеусінов болған. Рио-де-Жанейродағы Олимпиада чемпионы жақында кәсіпқой боксқа ауысқанын мәлімдеді. <br /><br />Әділбек Ниязымбетов — қазақ боксы тарихындағы атақты боксшылардың бірі. Олимпиаданың екі күмісінен бөлек, Азия мен Азия ойындарының чемпионы, бірнеше рет әлем чемпионатының финалына шыққан, сонымен қатар көптеген халықаралық турнирлерде топ жарған болатын.