Головкиннен ұтылған екі боксшы кездеседі

Golden Boy Promotions промоутерлік компаниясы орта салмақтағы бұрынғы әлем чемпионы Давид Лемье (36-3, 32 КО) мен чемпиондыққа үміткер Кертис Стивенс арасында (29-5, 21 КО) жекпе-жек өтетін жариялады.<br /><br />BoxingScene сайтының хабарлауынша, екі атақты панчер арсындағы кездесу 11 наурызда Нью-Йорк штатының Верона қаласында өтеді. Бұл кездесу HBO телеарнасынан көрсетіледі. Боксшылар WBO NABО чемпиондық атағына таласпақ.  <br /><br />«Соңғы айларда Кертис менің тарапыма көп нәрсе айтып тастады. Келіссөздер уақыты аяқталды. Енді оның аузын жабатын күнді асыға күтудемін. Менің мақсатым — қайтадан әлем чемпионы атану, ал Стивенс менің жолымда тұр», — деді Лемье. <br /><br />«Айтылған сөздер өтіп кетті. Енді жұдырықпен дәлелдеу кезі келді, қолым қазірден қышып жүр», — деді Стивенс. <br /><br />Айта кетейік, қос боксшы да бұған дейінгі кездесулерінде жеңіске жетті: Лемье Глен Тапиа мен Кристиан Фабиан Риосты ұтса, ал Стивенс Патрика Тейшейра мен Джеймс Де Ла Росадан басым болды.