Евгений Хитров техникалық нокаутпен ұтылды

Украиналық кәсіпқой боксшы Евгений Хитров америкалық Имманувель Алимнан жеңіліп қалды.

Нью-Йорк қаласында өткен жекпе-жекте украиналық былғары қолғап шебері алдымен нокдаунға түсіп, артынша техникалық нокаутпен жеңіліс тапты. Бұл Хитровтың кәсіпқой бокстағы алғашқы жеңілісі.

Айта кетер жайт, Имманувель Алим бұған дейін 17 жекпе-жек өткізіп, 16 рет жеңіске жеткен болатын.