Головкин көшеде соңғы рет қашан төбелескенін есіне алды

Геннадий Головкин Breakfast Club-қа берген сұхбатында соңғы көше төбелесі туралы айтып берді.

Nur.kz порталының хабарлауынша, жүргізуші Головкиннен қашан соңғы рет көшеде төбелескенін сұраған. Головкин екі жыл бұрын болған оқиғаны есіне алды.

«Оның көлікті мас күйде басқарғаны есімде. Барлық көліктерді қағып өтіп жатты. Бұны көшедегі үлкен төбелес деп айта алмаймын», - дейді GGG.

Геннадий бұл жайттың Ресейде болғанын және балаларға қауіп төніп тұрғасын төбелеске барғанын алға тартты.