Головкин: «Мейвезер үшін 154 фунтқа түсемін»

Қазақстандық танымал кәсіпқой боксшы The Breakfast Club радиошоуына кіші  Флойдом Мейвезермен болуы мүмкін жекпе-жек жайлы айтты. 

— Мейвезер сенімен жекпе-жекке шығу үшін боксқа қайта оралады деп ойлайсың ба?

— Менің ойымша, ол қайта оралады. Ол ақылды жігіт. Себебі, бұл жақсы бизнес. 

— Сен оны жеңе аласың ба?

— Бұл — өмір. Бұл — бокс. Жеңе аламын деп үміттенемін.

— Рингтің сыртында екеуіңнің араңда не бар?

— Мен бірнеше рет Мейвезермен кездестім. Ол жақсы боксшы әрі мықты бизнесмен. Мен Флойдты құрметтеймін. 

— 100 миллион үшін ол сенімен кездесу өткізе ме?

— Иә. Бұл жақсы келісім болмақ.

— Ол үшін сен көп салмақ тастайсың ба?

— Көп емес. Бес фунт (2,268 келі) салмақ тастауым керек.

— Сенің салмағың 170 фунт па (77,11 келі)?

— Жоқ, 160 фунт (72,57 келі). Мен осыған дейін де 154 фунт (69, 85 кг) салмақ дәрежесіне түсуге дайын екенімді айтқан болатынмын. Бірақ Канело үшін емес, Флойд үшін ғана.