WBN: Абель Санчес «Үздік бапкер» атанған жоқ

Worldboxingnews.net порталы 2016 жылдың қорытынды номинацияларында кімдердің жеңгендерін жария етті.

«Жылдың үздік бапкері» атағын Роман Гонсалестің бұрынғы жаттықтырушысы Арнульфо Обандо алды. Өкінішке қарай, ол қараша айында қайтыс болған еді.

Сондай-ақ, бұл атаққа Карл Фрэмптонның бапкері Шейн Макгиган мен Геннадий Головкиннің жаттықтырушысы Абель Санчес үміткер болған.

Айта кетейік, Головкиннің өзі 2013 жылдан бері тұңғыш рет «Үздік боксшы» номинациясына үміткер бола алмады.